انتظار:تقدیم ائدیرم انتظارچکن آنالارا
یاندی جانیم هجر اوتوندان سوئلدیم جان گلمدون
گوزلدیم یولاری گوزلر ائلدیم قان گلمدون
چکمرم گوز انتظاروندن قراریم سنده دور
قمری و بلبل تک اولدوم خوش غزلخوان گلمدون
ایستدیم آغزم آچب شکوا ائدم بو جوریدن
سوز چکوب داره گتیردی جانی قربان گلمدون
بیر طبیبیم یوخ کی درد عشقه چاره ایلسون
اولمادی بو درده سنسیز بیرده درمان گلمدون
آغلارام صبح ازلدن تا ابد سن گلمسون
شمع یاندی حالیمه گل قالدی حیران گلمدون
شعله ی جانسوز آهیمدن فلک نالان قالوپ
گئتدی الدن صبر و تابم قلبه مهمان گلمدون
باشه چاتسون فرقتی من وصلوون مشتاقی ام
بیلمورم کیم باغلادی بو عهدو پیمان گلمدون
چکدی بلبل عشوه ی گلدن نه چوخ جور وجفا
شمع حسرت یاندی گوزده دیده گریان گلمدون
اوت دوتوب یانسون گرک قلبیم بونازوغمزه دن
شحنه تک قالدم قاپوندا چخدی کیوان گلمدون
یاز سلیمانی فراقون زهری شربتدور منه
گلدی جمعه آغلادم ای جان جانان گلمدون
نظرات شما عزیزان:
